«Белдзяржстрах» не будзе афармляць аўтакаска на некаторыя маркі аўтамабіляў, піша Blizko.by. Прычым у пераліку марак і дарагія спарткары, і вельмі папулярныя ў Беларусі электрамабілі. На беларускіх анлайн-пляцоўках дзясяткі абвестак з гэтымі мадэлямі.
У дакуменце, копія якога ёсць у рэдакцыі Blizko.by, гаворыцца, што цяпер на добраахвотнае страхаванне наземных транспартных сродкаў (аўтакаска) не будуць прымаць аўтамабілі наступных марак:
- LiXiang
- Dongfeng E11K
- HiPhi
- Bentley
- Ferrari
- Lamborghini
- Maserati
Можна заўважыць, што спіс гэты вельмі неаднародны. Так, апошнія пяць брэндаў выпускаюць дарагія прадстаўнічыя аўтамабілі, а таксама спорт- і суперкары. Але першыя дзве маркі выпускаюць папулярныя ў Беларусі электрамабілі. Напрыклад, у Мінску мінімум два дылеры гатовыя прыгнаць электракар LiXiang ці прадаць ужо гатовы. Да таго ж на адной з пляцовак па продажы патрыманых машын лёгка знайсці некалькі дзясяткаў прапановаў LiXiang розных мадэляў у раёне 60 тысяч рублёў. Што да Dongfeng E11K, то яго гатовыя прывезці ў Мінск і прадаць новым прыкладна за 20 тысяч еўра.
Журналісты выдання патэлефанавалі ў «Белдзяржстрах» і пацікавіліся, чаму асобныя аўтабрэнды перасталі страхаваць. Там адказалі, што было прынятае рашэнне часова спыніць страхаваць гэтыя машыны. Прычына?
«Вы не зможаце іх адрамантаваць. А калі і зможаце, то без гарантыі, — сказалі ў кампаніі. — Адсутнічаюць афіцыйныя дылеры па дастаўцы запчастак».
Чытайце таксама
