Гэтым летам у Дзяржынскай раённай бальніцы пачалі будаваць новую кацельню. Але працы давялося спыніць праз тое, што будаўнікі пачалі знаходзіць у зямлі чалавечыя косткі, піша раённая газета «Узвышша». Знайшлі больш чым сотню рэшткаў.
Першыя косткі знайшлі ў другі тыдзень жніўня. Іх раскапалі экскаватарам на схіле за бальніцай. Апазнаныя дзіцячыя і дарослыя шкілеты. Пасля гэтага экскаватарныя працы спынілі, будаўнікі ўзяліся за рыдлёўкі і кельні.
Як піша раёнка, людзі ляжаць у зямлі пластамі, адзін над адным. Некаторыя — стоячы. Будаўнікі адзначаюць, што пад многімі рэшткамі ляжалі цвікі.
В одном месте удалось обнаружить как будто целое захоронение — деревянные остатки гроба, а в нем — скелет. Рядом с ним нашли нечто очень похожее на женские украшения. Они на первый взгляд выполнены из ниток, но прекрасно сохранились. Найдена и почти целая пара женской обуви — черные туфли.
Паводле словаў мясцовых, калісьці тут стаяў храм, ля якога хавалі людзей. Як піша выданне, відавочцы разглядаюць яшчэ некалькі версій. Магчыма, тут калісьці расстралялі вязняў гета, што знаходзілася ў раёне вуліцы Першамайскай. Таксама гэта можа быць неяк звязана з кальвінскім зборам — пратэстанцкім кальвінісцкім храмам, разабраным за савецкім часам.
На месцы працуе следчая група. Падрабязнасці будуць высвятляцца.